Your Gateway to the Faroe Islands
Discover handpicked stays across the Faroe Islands — book your perfect escape today.
Discover the Faroe Islands with HÝSA
Planning a trip to the Faroe Islands? HYSA is here to help make your stay easier, smoother, and more enjoyable. With locations across the islands, you’re never far from support, local knowledge, and reliable service.
Whether you’re exploring dramatic landscapes, charming villages, or hidden gems off the beaten path, we’re ready to assist so you can focus on the experience.
Enjoy the islands — we’ll take care of the rest.
Lætt, Lønandi og Ómakaleys Útleiga
Hjá Hýsa gera vit útleigu lætta, lønandi og ómakaleyst. Vit umsita alt – frá lýsingum, prísseting og samskifti við gestir til reingerð og viðlíkahald – so tú kanst njóta fyrimunirnar við stuttíðarsleigu uttan at brúka tíð ella orku.
Set teg í samband við okkum, vit svara skjótast gjørligt
UMSITING
Um tú til dømis hevur eina íbúð til sølu, ætlar at ferðast í longri tíðarskeið, ella einfalt ynskir at forvinna eyka inntøku við at leiga út tína ogn, so er hesin útleiguhátturin upplagdur fyri teg.
Vit taka okkum av øllum tí praktiska. Hýsa umsitur alt – frá reingerð og viðlíkahaldi til kundatænastu, marknaðarføring og prísseting av tíni íbúð.
Vit deila inntøkuna gjøgnum eina prosentgrundaða avrokning av leiguinntøkuni, sum verður útgoldin einans, tá útleigan eydnast. Hetta merkir, at tú hevur ongar fastar útreiðslur, tá tú leigar út gjøgnum okkum.
Tænastur:
• Uppsetan av útleiguvanga og professionell myndatøka.
• Optimal prísseting og marknaðarføring á heimsins størstu útleigupallum.
• Umsiting av samskifti og lyklaútflýggjan.
• Veiting av seingjarklæðum, handklæðum og koddavørum.
• Viðlíkahald og reingerð ímillum leigarar.
Gjald:
• 20 % av leigukostnaðinum.
• Møguleiki fyri lægri kostnað við fleiri ognum.
RENT-TO-RENT
Føst inntøka – uttan ómak
Um tú ynskir at leiga út tína ogn, men ikki vil brúka tíð upp á umsiting, marknaðarføring og dagligar uppgávur, er Rent-to-Rent loysnin fyri teg.
Vit í Hýsa leiga tína ogn fyri eitt avtalað mánaðarligt gjald – tú fært tína føstu og støðugu inntøku hvønn mánað, óansæð um vit hava gestir ella ikki.
Tú hevur ongan váða við tómari tíð, ongar fastar útreiðslur og ongan ómak. Vit taka okkum av øllum.
Tænastur:
• Trygg og støðug inntøka – sama gjald hvønn mánað.
• Ongar tómars tíðir – vit bera allan váðan, um gestir eru ella ikki.
• Ongar praktiskar uppgávur – vit umsita alt frá A til Z.
• Viðlíkahald av ognini – vit tryggja, at hon altíð er í góðum standi.
Gjald:
• Fast avtalað mánaðarligt gjald til tín.
• Ongar eyka útreiðslur fyri teg sum eigara..
FAQ – Oftast Spurdir Spurningar hjá HÝSA
1. Hvussu virkar útleigan gjøgnum HÝSA?
Vit umsita alla útleigugongdina fyri teg – frá myndatøku, prísseting og marknaðarføring til samskifti við leigarar, reingerð og viðlíkahald. Tú sleppur undan øllum ómakinum, meðan vit tryggja tær eina lønandi og lætta útleigu.
Velur tú Rent-to-Rent, leiga vit tína ogn frá tær fyri eitt fast mánaðarligt gjald og taka okkum sjálvi av allari stuttíðarsleigu. Tú fært fasta inntøku, hóast vit hava gestir ella ikki.
2. Hvat kostar tað at leiga út gjøgnum Hýsa? Stuttíðarsleiga (umsiting).
Vit taka 20 % av leigukostnaðinum fyri okkara tænastur. Tú rindar bert, tá útleigan eydnast – ongar fastar útreiðslur eru fyri teg sum eigara.
3. Hvussu tryggja tit góðar leigarar?
Allir leigarar fara gjølliga gjøgnum eina kanningar- og góðkenningarferð, áðrenn vit lata hurðarnar upp. Vit seta trygdina í hásæti og taka ongar óneyðugar váðar – bæði fyri stuttíðarsleigu og Rent-to-Rent
4. Hvussu verður prísurin á leiguni ásettur? Stuttíðarsleiga.
Vit brúka marknaðargrundaðar kanningar og okkara royndir innan útleigu til at tryggja, at tú fært hægstu møguligu leiguinntøku.
5. Hvussu leingi skal eg binda meg til útleigu?
Minsta samstarvstíð er 3 mánaðir fyri stuttíðarsleigu og 1 ár fyri Rent-to-Ren
6. Hvat um nakar skaði hendir?
Vit tryggja bústaðin við neyðugum trygdartiltøkum og taka okkum av øllum samskifti, skuldi nakað hent.
Við stuttíðarsleigu-umsiting loysa vit trupulleikan fyri teg, men sum eigari rindar tú sjálv/ur fyri møguligan skaða.
Við Rent-to-Rent tekur Hýsa allan váðan – vit taka ábyrgd og dekka útreiðslurnar, um skaði hendir.
7. Er reingerð og viðlíkahald partur av tænastuni?
Ja, vit taka okkum av reingerð og smærri viðlíkahaldi ímillum leigarar, so alt er klárt til næsta gest.
Við Rent-to-Rent syrgja vit eisini fyri, at bústaðurin er væl hildin við líka gjøgnum alt samstarvið.
Vit hava eisini okkara egna húsavørð, sum er tøkur, um okkurt bráðligt hendir.
8. Kann eg blokera dagar, tá eg ikki vil leiga út?
Ja, við stuttíðarsleigu kanst tú altíð blokera dagar, tá tú ikki ynskir at leiga út – til dømis til privata nýtslu ella egnar sýningar.
Við Rent-to-Rent verður nýtsla av bústaðinum avtalað frammanundan í sáttmálanum.
9. Hvussu kann eg fylgja við leiguintøkuni?
Stuttíðarsleiga:
Tú hevur atgongd til ein dagførdan kalendara, har tú kanst fylgja við bókingum og leiguinntøku.
Rent-to-Rent:
Tú fært eitt fast mánaðarligt gjald og nýtist ikki at fylgja við dagligu inntøkuni, tí vit bera allan váðan.
10. Hvussu seti eg meg í samband við Hýsa?
Tú kanst seta teg í samband við okkum við at skriva til hysa@hysa.fo ella ringja beinleiðis til okkara.
UM HÝSA
Jóhannus McGavin Haldansen / Stjóri
Kaj Johannesen / Stjóri
Umsiting av stuttíðarsleigu.
Okkara endamál er:
At geva gestum eina góða uppliving og tryggja eigarum eina smidliga, trygga og lønandi útleigu – uttan ómak.
Vit umsita alt fyri teg: myndatøku, prísseting, marknaðarføring, samskifti við gestir, reingerð og viðlíkahald. Tú kanst velja:
Stuttíðarsleigu-umsiting: Tú rindar ein prosentpart av leiguinntøkuni, og vit taka okkum av øllum dagliga arbeiðinum.
Rent-to-Rent: Tú fært eina fasta mánaðarliga leigu, óansæð um vit hava gestir ella ikki – vit bera allan váðan.
Álit
Vit leggja stóran dent á gjøgnumskygni, álit og framúr tænastu. Sum tín álítandi samstarvspartnari syrgja vit fyri, at tíni mál verða møtt.
Toymið aftanfyri Hýsa
Jóhannus hevur drúgvar royndir innan bæði keyp, sølu og útleigu av fastogn. Hann er útbúgvin ognarmeklari og hevur í nógv ár starvast við ráðgeving innan fastogn í Indre By í Keypmannahavn. Við sínum breiða fakliga grundarlagi og drúgvu royndum leggur Jóhannus dent á at veita kundum hjá Hýsa eina tænastu, ið er merkt av dygd, áliti og professionellari ráðgeving.
Kaj hevur arbeitt hjá einum av størstu granskoðaravirkinum í Keypmannahavn, har hann var knýttur at fastognardeildini. Har fekk hann drúgvar royndir innan fíggjarstýring og viðurskifti tengd at fastogn. Við síni fakligu vitan og royndum innan fíggjarviðurskifti tryggjar hann, at kundar hjá Hýsa fáa eina trygga, gjøgnumskygna og álítandi útleigutænastu.
Saman bjóða vit eina tænastu, har tú sum eigari kanst kenna teg tryggan og væl upplýstan – og har gestir fáa eina framúr góða uppliving.
Hví okkum?
Hýsa bjóðar tryggar og lønandi útleigumøguleikar fyri teg og tína ogn. Vit syrgja fyri, at tín ogn er væl umsitin og gevur hægstu møguligu inntøku. Velur tú Hýsa sum tín útleigupartnara, fært tú eina haldbara loysn, har vit saman tryggja ein álítandi og virðisøkjandi framtíðarmøguleika fyri teg og tína ogn
Okkara ábyrgd
Vit taka okkum av tíni ogn. Allir leigarar verða gjølliga kannaðir og góðkendir, áðrenn vit góðkenna bókingarnar. Vit taka ongar óneyðugar váðar.
Fleksibult
Fleksiblar samstarvsmøguleikar. Vilt tú vera virkin í útleiguni, ella ynskir tú at hvíla teg og lata okkum umsita alt? Vit laga okkum altíð eftir tínum ynskjum.
Kundatænasta
Altíð persónlig tænasta – 24/7. Vit eru altíð tøk fyri teg – AI-tænastur eru ikki partur av okkara kundatænastu ella samskifti við útleigarar. Tú tosar við verulig fólk, sum eru klár at hjálpa.